حسين علي يونس
.
صبرنا سنين عالمامش
و ع المامش
صبرنا سنين
وگلنا يمكن
يزهر البستان صم
ريحان
و من مر الوكت
شايل ثگل جنحين
ومعاگب عبرنا
من الشطوط اثنين
فرشنا من الحزن
حزنين
وأنت ولا تحرّك بيك
عرج من الشهامة،
ولا ذكر مو زين،
ولا وجر بگلبك
بوگة المگرود
ولا ظلم الفقير،
وبوگة المبيوك،
ولا نهب الرچيچ
مگطّع الإيدين
مثل ثوب الفقير
الما يخط بالگاع
ومثل حبر المگابر
من يشد البين
فرزنا من الحزن
حزنين
وصحنا من القهر: يا حسين…
شكبر راية
ثورتك
من تشيل العين،
مثل دمعة يتيم
وتعبر الشطين
شكبر ظلم الحملته
ماتشوفه العين
چا مامش بنادم
يعبر الجرفين،
ويذب روحه العزيزة
ويحضن الصوبين؟
مجلة كناية الرقمية الثقافية المستقلة 
أضف تعليق