كناية

حسين علي يونس

-1- ايام مرة شكثر
شافن
مرآيا الشوف
عبرن عالجرح
بلكت
خضار تشوف
لا نكلة نهر
لا ثكل
بالمشحوف .
ياغيوم نكطن ورد
عالثوب والشيلة
لبلاب حبنا ذبل
والكحل هد حيله .
مرات انطفي
ومرات اضويله
ومرات
يكبل صفح
ومشله شليله.


-2- اسمع من تمر
ونة حزن بالباب
وتمر سنين
خرسة
بشذرة الجلاب.



-3- روحي مدوهنة
وجرها الوكت لهواك
سنين وماكلتلك
ليش تاذيني
ياخايب
هذا نهر جفاك ورد
وانت ناسيني
انطيتك عمر
من كلت
عمري انباك
ضنيتك كحل
لو عودة المسواك.